რესურების შემცირების გამო სულ უფრო მწვავდება უდანაკარგო წარმოების საკითხი. უკანასკნელ დროს გაჩნდა უამრავი ნამუშევარი, რომლებიც მიმართულია გუშინდელი ნარჩენების ნედლეულად გარდაქმნისაკენ. არ არის გამონაკლისი სოფლის მეურნეობის ნარჩენებიც. ჩვენ უკვე ვწერდით ნაკელის აგურებზე, მაგრამ ახლა ჰორიზინტზე გამოჩნდა ახალი სამშენებლო მასალა სიმინდის ჩალისაგან.

ყოველწლიურად აშშ-ში მინდვრის დედოფლის - სიმინდისაგან მინდვრებზე რჩება დაახლოებთ 160 მლნ ტონა ჩალა (ფოთლები, ღეროები), რომლებიც ლპება. ილინოისის უნოვერსიტეტის სპეციალისტებმა შეიმუშავეს და დააპანტეს ტექნოლოგია, რომლითაც ჩალას აქუცმაცებენ, ურევენ პოლიმერევს, პრესავენ და ლამინირებას უკეთებენ, რის შედეგადაც მიიღება ბურბუშელის ფილის ანალოგი.

ცხოვრებაში ამ ნაწარმის დანერგვა ითავა ტეხასში სპეციალურად ამ მიზნით შექმნილმა კომპანიამ Corn Board Manufacturing Inc. (CBMI). ჩალის ფილები, მათ მწარმოებლების აღწერით, მშვენივრად ესადაგებიან ყველაფერს: კედლების მოპირკეთებას, გადახურვით სამუშაოებს, კარებების, ავეჯისა და სკეიტბორდების წარმოებასაც კი. ჩვეულებრივი ორსართულიანი სახლისათვის საჭიროა ჩალა მიწის მხოლოდ ერთი ჰექტარიდან, რაც ხის მასალის მნიშვნელოვანი ეკონომიაა, რომელიც არ არის ისეთი ადვილად აღდგენადი რესურსი, როგორიც სიმინდია.

არ შეიძლება იმის თქმა, რომ ჩალას ადრე არ იყენებდნენ სამშენებლო და მოსაპირკეთებელ სამუშაოებში, მაგრამ ჩალის ფილები სრულიად სრულყოფილი მასალაა: მტკიცე, დამყოლი, ესთეტური და მსუბუქი. CornBoar-ს მწარმოებელი იუწყება, რომ მისი მასალის პლუსები არ მთავრდება მისი შესანიშნავი ფიზიკური თვისებებით. ჩალის სამშენებლო მასალად  გადამუშავებით ეკოლოგიას უდიდესი სარგებელი ექნება, რადგან ადრე სიმინდის ნარჩენები ეყარა მიწაზე და ლპებოდა ნახშირმჟავა გაზის გამოყოფით. საფიქრებელია, რომ არა მხოლოდ პლანეტაზე ზრუნვა გახდა ჩალის ახალი მასალად არჩევის მიზეზი, არამედ მისი სიიაფეც.