უძრავი ქონების სააგენტო


წერილის გაგზავნა!

რჩევები უძრავ ქონებაზე / რა სარგებლობა მოაქვს უძრავ ქონებას?

რა სარგებლობა მოაქვს უძრავ ქონებას?

 

     მშენებლობის სტადიაში მყოფ სახლში ბინის შეძებნა, ძალიან კარგ კაპიტალ დაბანდებად შეიძლება იქცეს. ამ ოპერაციის მოგებად შესაძლოა წლიურ 30%-საც მიაღწიოს კონვერტირებად ვალუტაში. ეს რიცხვი კი საგრძნობლად დიდია, ვიდრე საბანკო ანაბრების საპროცენტო განაკვეთი და სიდიდით მხოლოდ კერძო დაკრედიტების ( უბრალო ენით რომ ვთქვათ, თანხის ,,გაპროცენტების") საშუალო პროცენტს უახლოვდება. სწორედ ეს ხდება მიზეზი იმისა,  რომ დღესდღეობით,  მშენებარე სახლში ბინების დიდი ნაწილი წინასწარ იყიდება.

    ჯერ კიდევ რამდენიმე წლის წინ, დაუმთავრებელ სახლში ფულის ჩადება უამრავ რისკფაქტორთან იყო დაკავშირებული. ხშირი იყო შემთხვევები, როცა სახლის ჩაბარების ვადები იწელებოდა, ან სულაც, მშენებლობა საერთოდ არ მთავრდებოდა. ისეც ხდებოდა, რომ აშენებული სახლში სამშენებლო ტექნოლოგიების დარღვევის გამო საცხოვრებლად გამოუსადეგარი ხდებოდა. ხშირად კი, არაკეთილსინდისიერი ბიზმესმენები ახალ კორპუში ბინებს რამდენჯერმე ყიდდნენ და ერთსა და იმავე ბინაზე რამდენიმე ორდერი იყო გამოწერილი.

   დღეს სიტუაცია მნიშვნელოვნად შეიცვალა, თბილისელებსა და დედაქალაქში ჩამოსულებს მეტი ნდობა გაუჩნდათ უძრავი ქონებით მოვაჭრე კომპანიებისადმი. მართალია რისკფაქტორები საბოლოოდ არ გამქრალა, თუმცა,  კონკურენციის პირობებში ყველა ფირმა ცდილობს, მყიდველის ნდობა გაამართლოს. ამან უძრავი ქონების ბაზრის გამოცოცხლება გამოიწვია. სტატისტიკური მონაცემებით, ბინის ყიდვის მსურველთა ნახევარზე მეტი მშენებარე ობიექტებით ინტერესდება.

    მშენებლობის სტადიაში მყოფი ბინის მყიდველი დაახლოებით 30% შეღავათს ნახულობს. მეტიც, დაუმთავრებელი უძრავი ქონების ყიდვა, არა მარტო ეკონომიაა, არამედ - ფულის შოვნის ერთ-ერთი საუკეთესო საშუალებაც.

    მშენებარე ობიექტებზე კვბადრატული მეტრის ფასი აშენებული სართულების მატების პირდაპირპროპორციულია. მაგალითად, თუ საძირკველის ჩაყრისას 1 კვმ 120-140 $ ღირს, მე-2-3 სართულამდე აყვანილ სახლში ფასი 150-170 $-მდე ადის და კარკასის დამთავრების მომენტში კი - 220-250 და ა.შ აქედან გამომდინარე, ფაქტობრივად, ერთსა და იმავე სახლში კვადრატული მეტრის ფასი ყოველთვიურად მატულობს.

    სულ სახვა საქმეა, რომ უძრავი ქონების ბაზარზე, ისევე როგორც საფონდო ბირჟაზე, საკუთარი წესები მოქმედებს და მიუხედავად იმისა, რომ ინდექსი, ვთქვათ, 30%-ით იზრდება, ზოგი ინვესტორი 50%-ს იგებს, ზოგი კი ზარალში რჩება. ეს მათ ინდივიდუალურ ხედვასა და კომერციულ ალღოზეა დამოკიდებული. რომ დღესდღეობით აუშენებელი ფართის შესყიდვას შემდგომი გაყიდვის მიზნით არა მარტო კერძო პირები, არამედ მსხვილი კომპანიებიც ეწევიან.

    ბინის შეძენისას ბევრი ფაქტორია გათვალისწინებული. ანალიტიკოსები აღნიშნავენ, რომ ფასთასხვაობა;  სხვადასხვა რაიონებში მდებარე და განსხვავებული ტიპის სახლებს შორის, ნელნელა ქრება.  მოთხოვვნა არის, როგორც ქალაქის ცენტრში მშენებარე სახლებზე, ასევე ცენტრისგან შედარებით მოშორებულ, მაგრამ პრესტიჟული ინფრასტრუქტურის მქონე უბნებზეც.

    ბოლო ხანებში, მცირე ზომის ბინებზე ფასი უფრო სწრაფად იზრდება, ვიდრე 3 და მეტ-ოთახიანებზე. ანალიტიკოსების აზრთით, ახლა ამ უკანასკნელზე გაიზრდება მოთხოვნა და შესაბამისად ფასიც მოიმატებს.

    უძრავი ქონების ბაზრაზე საკმაოდ დიდი გავლენა აქვს სეზონურ ფაქტორსაც. ტრადიციულად, ზამთრასა და ზაფხულში ვაჭრობა შენელებულია და შესაბამისად, ფასიც ნაკლებად მერყეობს. ამაზე, ნაწილობრივ, ზაფხულის შვებულებები და ნაწილობრივ ჩვენებური ზამთრის ენერგოპრობლემებიც მოქმედებს.

    ბაზრის აქტიურობა პიკს, ტრადიციულად,  გაზაფხულზე და შემოდგომაზე აღწევს. სწორედ ამიტომ არის რომ ფასები სწორად ამ პერიოდში მატულობს.

    მშენებარე ობიექტებზე ბინის მყიდველთა მხოლოდ ერთი კატეგორია არსებობს, ვისაც, პრინციპში, არ უნდა აწყობდეს დაუსრულებელი ბინის ყიდვა. ეს კრედიტით მყიდველთა კატეგორიაა. ბანკები თავს არიდებენ დაუსრულებელი ბინების ყიდვის დაკრედიტებას. საქმე იმაშია, რომ სტანდარტული ხელშეკრულების პირობებით, კრედიტის დაფარვამდე ბინის მფლობელად ბანკი ითვლება. დაუსრულებელი, ან მით უმეტეს, ჯერ არარსებული ბინის გაფორმება კი შეუზლებელია. მშენებლობის გარანტიები, იმის თაობაზე, რომ  სახლი დროულად და სტანდარტების შესაბამისად აშენდება, ყველას არ აკმაყოფილებს.

 

მნახველთა რაოდენობა: 4931
უკან დაბრუნება




allhome.ge - უძრავი ქონება საქართველოში

პორტალის მიზანია გარკვეული დადებითი წვლილის შეტანა უძრავი ქონების სფეროში. ჩვენ ვცდილობთ შევქმნათ ყველა შესაძლებლობა, რომ უძრავი ქონების პოტენციურმა მყიდველმა და გამყიდველა ადვილად და სწრაფად იპოვონ ერთმანეთი, ასევე ALLHOME.GE-ზე ყველა შესაძლებლობაა ამ სფეროში დაკავებული უძრავი ქონების დამოუკიდებელი აგენტებისა და სააგენტოებისათვის, რომ ხარისხიანად აწარმოონ საკუთარი ბიზნესი. უძრავი ქონების სააგენტოებს აქვთ შესაძლებლობა თავად დაარეგისტრირონ საკუთარი აგენტები თავისი სახელით და მარტივად აკონტროლონ მათი საქმიანობა. განცხადებების განთავსება ვებ პორტალზე შეუზღუდავია. უძრავ ქონების პორტალი allhome.ge შეუზღუდავია ასევე ჩვეულებრივი ფიზიკური პირებისთვისაც. შესაზლებელია ყველა ტიპის უძრავი ქონების  განცხადების გამოქვეყნება: ყიდვა, გაყიდვა, გაქირავება, დღიურად გაქირავება, გირაო. განცხადებები იდება სრული აღწერით და კატეგორიზირებული, სურათებით, ვიდეოთი, შესაძლებელია რუქაზე ადგილმდებარეობის მითითება.

ჩვენი პორტალი მოხარული იქნება თქვენთან თანამშრომლობისთვის. ჩვენ ვიზრუნებთ, რომ ეს თანამშრომლობა იყოს წარმატებული, ვინაიდან ჩვენი ბიზნესის ქვაკუთხედად ჩვენ მიგვაჩნია ჩვენი მომხმარებლის საჭიროებების მაქსქსიმალურად დაკმაყოფილება. ჩვენ ვიცით რა და როგორ ვაკეთოთ, გვაქვს ამისათვის შესაბამისი ცოდნა და გამოცდილება.

ჩვენ მუდმივად ვანახლებთ და ვავითარებთ ვებ პორტალის პროგრამულ შესაძლებლობებს.  ჩვენი მიზანია  მაქსიმალურად მოსახერხებელი და კომფორტული გახდეს საქმიანობა უძრავი ქონების ბაზარზე მონაწილე პირებისა და სააგენტოებისათვის.

 

კონტაქტი ადმინისტრაციასთან:
მობ:   +995 593 188661