როგორც ჩვენი პუბლიკაციებიდან ჩანს, ბევრი ოტელი პოულობს საშუალებას გამოირჩეს კონკურენტულ ბაზარზე და თავის სტუმრებს შესთავაზოს რაიმე სასურველი ექსკლუზივი და არა  ყოველთვის მაღალ ფასად. სწორედ ასეთი მოიფიქრა სასტუმროების პატარა ქსელმა Yotel-მა ლონდონის ცენტრში, სადაც ფასები არნახულად მაღალია, თავისი ნაგებობების მიწის ქვეშ განლაგება. ამისთვის მან გამოიყენა უკვე ხმარებიდან გამოსული გვირაბები კინგსვეი (Kingsway Tunnels), რომლებიც თავშესაფარი იყო მეორე მსოფლიო და ცივი ომის დროს. Yotel-ის ქსელი, რომლის ამჟამიმდელი სასტუმროები განლაგებულია ლონდონის ჰეთვიკისა და ჰიტროუს აეროპორტებთან, ასევე ამსტერდამის სხიპხოლთან, ცნობილია ნაგებობების დიზაინით და საათობრივი გაქირავებით (რაც ძალზე მოხრხებულია მოგზაურთათვის). ის იმედოვნებს გახდეს უნიკალური არა მხოლოდ ნომრების დაგეგმარების კუთხით, არამედ მიწის ქვეშ ახალი სასტუმროს განლაგებით. ახლა კინგსვეის გვირაბებში იგეგმება 10-150 საცხოვრებელი კაფსულის განლაგება, და სპეციალურად დაქირავებული არქიტექტორები და ინჟინრები უკვე „ჯადოქრობენ" იმაზე, თუ როგორ მოაწყონ ეს ყველაფერი. უძრავი ქონება მის მფლობელს 5 მლნ გირვანქად ერგო, იქ უკვე არის ვენტილაცია, ელექტრობა და წყალგაყვანილობა, მაგრამ ჯერ უცნობია მათი მდგომარეობა.

„მიწისქვეშ ოტელი საინტერესო იქნება ყველასათვის, კლუბური შეკრებების მოყვარულებით დაწყებული მოვლინებულებით დამთავრებული, რომელთაც ღამეული დროსტარების შემდეგ სჭირდებათ სადმე შხაპის მიღება და „დაცემა". მაგრამ მათ ასევე სჭირდებათ ფანჯრიდან კარგი ხედი, ტრენაჟერების დარვაზი ან რესტორანი, ანუ ყველაფერი, რაც შედის სხვა სასტუმროების ნომრების ფასებში. ჩვენი ფასებით, რომლებიც იწყება ღამეში 20 გირვანქიდან ერთ ადამიანზე, ჩვენთან უფრო იაფი ეღირება გაჩერება, ვიდრე ტაქსი სახლამდე" - განუცხადა Telegraph-ს Yotel-ის მარკეტინგის დირექტორმა ჯო ბერინგტონმა  (Jo Berrington).